ក្រុមអ៊ីស្ពត MLBB របស់កម្ពុជាដែលឈ្នះពានរង្វាន់ច្រើនជាងគេបំផុត

លីគអាជីព MLBB ត្រូវបានបង្កើតឡើងនៅក្នុងប្រទេសរបស់យើងកាលពីប្រាំឆ្នាំមុន ហើយក្រុមនានាបានប្រកួតប្រជែងចំនួនដប់រដូវកាលរួចមកហើយគិតមកទល់ពេលនេះ។ អ្នកជំនាញនៅ 1xBet កម្ពុជា បានធ្វើការស្រាវជ្រាវដើម្បីស្វែងរកថាតើក្រុមមួយណាដែលទទួលបានជោគជ័យជាងគេបំផុតនៅក្នុងព្រឹត្តិការណ៍ MPL Cambodia និងនៅលើឆាកអន្តរជាតិ។

CFU Gaming (មាស 3 ប្រាក់ 2) 

ស្ថាប័ន CFU (Cambodia First Unite) Gaming ទើបតែត្រូវបានបង្កើតឡើងនៅក្នុងឆ្នាំ 2022 ប៉ុណ្ណោះ ប៉ុន្តែវាមិនមែនជាឧបសគ្គរារាំងពួកគេមិនឱ្យយកឈ្នះលើក្រុមជើងចាស់នៅក្នុងលីគ និងក្លាយជាក្រុមដែលឈ្នះពានរង្វាន់ច្រើនជាងគេបំផុតនៅក្នុងពានរង្វាន់ MPL Cambodia នោះទេ។ ក្រុមនេះមានកំណត់ត្រាឈ្នះជើងឯកចំនួនបីលើក ដែលពួកគេដណ្តើមបានជាប់ៗគ្នា ក្នុងរដូវកាលទីប្រាំពីរ ទីប្រាំបី និងទីប្រាំបួន។ នេះគឺជាសមិទ្ធផលដ៏កម្រមានមួយ សម្រាប់លីគប្រចាំតំបន់។

នៅក្នុងឆ្នាំ 2023 ក្រុម CFU Gaming បានឈានដល់វគ្គផ្តាច់ព្រ័ត្រនៃរដូវកាលទីបួន និងទីប្រាំពីរលើកជាប់ៗគ្នា ប៉ុន្តែត្រូវទទួលបរាជ័យទាំងពីរលើក ក្រោមថ្វីដៃក្រុម BURN x FLASH និង See You Soon រៀងៗខ្លួន។ កីឡាករតែម្នាក់គត់ដែលនៅតែបន្តស្ម័គ្រស្មោះលេងឱ្យក្រុមនេះតាំងពីពេលបង្កើតដំបូងមក គឺកីឡាករ EXP Laner ឈ្មោះ Vann “Wadu” Dane។

See You Soon (មាស 3 ប្រាក់ 1)

See You Soon គឺជាក្រុមមួយក្នុងចំណោមក្រុមដំបូងគេទាំងប្រាំបីនៅក្នុងលីគរបស់កម្ពុជា។ សមាជិកក្រុមនេះបានចារឈ្មោះរបស់ពួកគេចូលទៅក្នុងប្រវត្តិសាស្ត្រវិស័យអ៊ីស្ពតរបស់យើងជារៀងរហូត តាមរយៈការឈ្នះជើងឯក MPL Cambodia រដូវកាលទីមួយ។ នៅក្នុងរដូវកាលទីពីរ See You Soon មិនអាចការពារតំណែងជើងឯករបស់ខ្លួនបានទេ ដោយបានបរាជ័យក្នុងវគ្គផ្តាច់ព្រ័ត្រក្រោមថ្វីដៃក្រុម Impunity KH។

ទោះជាយ៉ាងណាក៏ដោយ មួយឆ្នាំកន្លះបន្ទាប់មក ក្រុម See You Soon បានរៀបចំសមាសភាពសមាជិកក្រុមរបស់ខ្លួនឡើងវិញ និងបានឈ្នះជើងឯក MPL Cambodia ពីររដូវកាលជាប់ៗគ្នា (រដូវកាលទីប្រាំ និងទីប្រាំមួយ)។ មុនពេលចាប់ផ្តើមរដូវកាលចុងក្រោយថ្មីៗនេះនៃលីគរបស់កម្ពុជា ក្រុមនេះបានផ្លាស់ប្តូរសមាសភាពកីឡាកររបស់ខ្លួនទាំងស្រុងម្តងទៀត ប៉ុន្តែវាមិនបាននាំភាពជោគជ័យអ្វីធំដុំនោះទេ។ ក្រុម See You Soon ឈ្នះតែមួយប្រកួតគត់ក្នុងចំណោមប្រាំបួនប្រកួតរបស់ខ្លួន និងបានបញ្ចប់ក្នុងចំណាត់ថ្នាក់លេខរៀងលំដាប់ទីពីរបាតតារាង។

BURN x FLASH (មាស 2)

ភាពរុងរឿងរបស់ក្រុម BURN x FLASH (បច្ចុប្បន្ន Team Flash KH) បានកើតឡើងនៅក្នុងឆ្នាំ 2022 និង 2023 នៅពេលដែលពួកគេបានឈ្នះជើងឯក MPL Cambodia ពីររដូវកាលជាប់ៗគ្នាគឺ៖ រដូវកាលទីបី និងទីបួន។ សម្រាប់ពីររដូវកាលបន្ទាប់របស់លីគ ក្រុមនេះទទួលបានមេដាយសំរឹទ្ធ ហើយនៅក្នុងព្រឹត្តិការណ៍ពានរង្វាន់ MLBB Southeast Asia Cup 2023 ពួកគេបានបង្ហាញទម្រង់លេងដ៏ល្អបំផុតក្នុងប្រវត្តិសាស្ត្រនៃក្រុម MLBB របស់កម្ពុជា។

BURN x FLASH បានឈានជើងចូលរួមក្នុងព្រឹត្តិការណ៍ប្រកួតអន្តរជាតិលំដាប់កំពូលនេះ ក្នុងនាមជាក្រុមដែលគេមើលរំលង ប៉ុន្តែពួកគេបានឆ្លងផុតវគ្គចែកពូល ដោយចាញ់តែក្រុម ONIC ដែលជាម្ចាស់ជើងឯកប៉ុណ្ណោះ។ ពួកគេបានវាយបំបាក់ក្រុម RSG Slate SG របស់សិង្ហបុរី ដោយមិនឱ្យតដៃរួចនៅក្នុងវគ្គប្រាំបីក្រុមចុងក្រោយ បន្ទាប់មកក៏បានធ្លាក់នៅវគ្គពាក់កណ្តាលផ្តាច់ព្រ័ត្រ និងទទួលបានចំណាត់ថ្នាក់លេខបួនជាស្ថាពរ។ ចំណុចដ៏លេចធ្លោបំផុតនៅក្នុងព្រឹត្តិការណ៍ MLBB Southeast Asia Cup 2023 គឺកីឡាករតួនាទី Roamer របស់ក្រុម គឺ Ty “D7” Oudom ដែលទទួលបានមេដាយកីឡាករឆ្នើម (MVP) រហូតដល់ទៅបួនគ្រឿងនៅក្នុងការប្រកួតនេះ!

PRO Esports (មាស 1)

ក្រៅពីក្រុមទាំងបីខាងលើ មានស្ថាប័នតែពីរគត់ដែលបានឈ្នះជើងឯក MPL Cambodia យ៉ាងហោចណាស់មួយលើក៖ Impunity KH (រដូវកាលទីពីរ) និង PRO Esports (រដូវកាលទីដប់)។ ក្រុមទីមួយនឹងមិនអាចបំបែកកំណត់ត្រារបស់ខ្លួនបានទៀតទេ ដោយសារតែក្រុមនេះត្រូវបានរំសាយចោលកាលពីឆ្នាំ 2023 ប៉ុន្តែក្រុម PRO Esports គឺជាក្តីសង្ឃឹមថ្មីសម្រាប់វិស័យ MLBB របស់យើង ហើយពួកគេទំនងជានឹងមិនបញ្ឈប់ត្រឹមការពានរង្វាន់តែមួយនោះទេ។

ត្រឹមឆ្នាំ 2026 មួយ ក្រុមនេះបានឈ្នះជើងឯក Esports National Championship, ឈ្នះពានរង្វាន់ MPL Cambodia រដូវកាលទីដប់ និងបានបន្តដំណើរទៅកាន់ព្រឹត្តិការណ៍ MLBB Mid Season Cup 2026 ដែលពួកគេបានឈានដល់វគ្គជម្រុះ ព្រមទាំងទទួលបានចំណាត់ថ្នាក់លេខប្រាំដល់ទីប្រាំមួយដ៏គួរឱ្យកោតសរសើរ និងដណ្តើមបានប្រាក់រង្វាន់យ៉ាងច្រើនសន្ធឹកសន្ធាប់ រហូតដល់ទៅ $100,000 ដុល្លារ។

Galaxy Legends (ប្រាក់ 3)

នៅពេលនិយាយអំពីក្រុម MPL Cambodia ដែលទទួលបានមេដាយច្រើនជាងគេបំផុត យើងមិនអាចមិនរំលេចអំពីក្រុម Galaxy Legends នោះទេ ដែលជាក្រុមទទួលបានរហស្សនាមថា “កំពូលក្រុមប្រចាំវគ្គផ្តាច់ព្រ័ត្ររបស់លីគ”។ ក្នុងរយៈពេលបួនរដូវកាលចុងក្រោយនេះ ក្រុមនេះបានឈានដល់វគ្គផ្តាច់ព្រ័ត្រចំនួនបីលើក ដោយមិនបានលើកពានសូម្បីតែមួយដង។ លោកអ្នកពិតជាកោតសរសើរមិនខានចំពោះការព្យាយាមរបស់កីឡាករក្រុម Galaxy Legends ដូច្នេះយើងសង្ឃឹមថាក្រុមនេះនឹងអាចដណ្តើមបានជើងឯកជាលើកដំបូងរបស់ខ្លួននៅក្នុងពានរង្វាន់ MPL Cambodia រដូវកាលទីដប់មួយ។

យើងសង្ឃឹមថាលោកអ្នកនឹងពេញចិត្តចំពោះអត្ថបទវិភាគ 1xBet អំពីក្រុមដែលឈ្នះពានរង្វាន់ច្រើនជាងគេបំផុតនៅកម្ពុជានេះ។ សូមតាមដានរដូវកាលថ្មីរបស់ MLBB ជាមួយ 1xBet និងទទួលបានព័ត៌មានថ្មីៗបំផុតអំពីព្រឹត្តិការណ៍អ៊ីស្ពតធំៗ!